“Реал” сўнгги 11 йилдаги энг ёмон натижасини қайд этди
Испания Ла Лигасининг 30-туридан ўрин олган баҳсда “Реал” ўз майдонида “Валенсия”ни қабул қилиб, 1:2 ҳисобида имкониятни бой бериб қўйди.
Учрашувнинг 13-дақиқасида мезбонлар пеналти тепиш имкониятига эга бўлди, бироқ Винисиус бундан фойдалана олмади.
Бу “Реал”нинг жорий мавсумдаги бешинчи ноаниқ пеналтиси бўлди. “Қироллик клуби” футболчилар барча турнирларда 16 та пеналти тепиб, уларнинг 11 тасини голга айлантиришди.
Статистикаларга қараганда, “Реал” бир мавсумда фойдаланилмаган пеналтилар бўйича 2013/2014-йилдан бери энг ёмон кўрсаткични қайд этди. Ўша мавсумда Мадрид клуби Ла Лигада учинчи ўринни эгаллаганди, шунингдек, Испания Кубоги ва Чемпионлар Лигасида ғолиб бўлганди.
Маълумот учун, айни дамда “қаймоқранглилар” Испания чемпионати турнир жадвалида “Барселона”дан 4 очко ортда қолиб, иккинчи ўринда бормоқда.
