«Реал» скаутлари Криштиану Роналдунинг ўғлини кузатиб бормоқда
Футбол
Насрулло Каримов
Журналист
ФОТО: Getty Images
Мадриднинг «Реал» клуби «Ан-Насср» ҳужумчиси Криштиану Роналдунинг ўғлига қизиқиш билдирмоқда. Бу ҳақда Defense Central нашри хабар берди.
Манбага кўра, «Қироллик клуби» 14 ёшли Криштиануни Хорватиядаги турнирда япониялик тенгдошларини 4:1 ҳисобида мағлуб этган Португалия ёшлар терма жамоасидаги дебют ўйинида томоша қилган.
Таъкидланишича, кичик Роналдуни кузатишни «Реал Мадрид» президенти Флорентино Перес буюрган. Испания гранди келажакда португалиялик футболчини ўз сафига қўшиб олмоқчи.
Шунингдек, 14 ёшли футболчини «Манчестер Юнайтед», «Тоттенхэм» ва Германиянинг бир қатор клублари ҳам кузатиб бормоқда. Ҳозирда кичик Роналду «Ан-Насср» ёшлар жамоасида ҳаракат қилмоқда.
