«Real Madrid» Жозе Моуриньюнинг қайтишини қачон эълон қилиши маълум бўлди
Мадриднинг «Реал» клуби Испания Ла Лигаси 38-туридан ўрин олган «Атлетик Бильбао»га қарши ўйиндан сўнг Жозе Моуриньюнинг бош мураббийликка қайтишини эълон қилишни режалаштирмоқда. Мутахассиснинг қайтиши бўйича расмий баёнот якшанба (24 май) ёки душанба (25 май) куни чиқиши кутилмоқда, дея хабар бермоқда ESPN.
«Реал» президенти Флорентино Перес Моуриньюни тайинлаш фикрига шу қадар қатъий қарор қилганки, ушбу тайинловни ўзи аввалроқ эълон қилган президентлик сайловларигача қолдириб ўтирмайди.
Аввалроқ, «қаймоқранглилар» Моуриньюнинг амалдаги клуби «Бенфика»га шартномани муддатидан олдин бекор қилгани учун 6 миллион евро товон пули тўлаши, мураббийнинг ўзи эса «қироллик клуби»даги трансферлар масаласида овоз бериш ҳуқуқига эга бўлиши ҳақида хабар берилган эди.
Эслатиб ўтамиз, Моуринью аввал ҳам (2010 йилдан 2013 йилгача) «Реал Мадрид»ни бошқарган. Унинг қўл остида жамоа Испания чемпионати, Кубоги ва Суперкубогига эга чиққан.
