“Real Madrid” Тибо Куртуа билан шартномани 2028-йилгача узайтирмоқчи
Футбол
Насрулло Каримов
Журналист
ФОТО: Getty Images
Мадриднинг “Реал” клуби бельгиялик дарвозабон Тибо Куртуа билан шартномани 2028-йилгача узайтирмоқчи. Бу ҳақда Relevo нашри хабар бермоқда.
Манбага кўра, мадридликлар Куртуа дарвозабон позициясида клуб учун энг яхши вариант эканлигига ишонмоқда.
Маълумот учун, Тибо 2018-йилдан буён “Реал Мадрид” сафида ўйнаб келмоқда. У жорий мавсум барча турнирларда 43 та ўйинда майдонга тушиб, 48 та гол ўтказиб юборди, 14 та ўйинда эса ўз дарвозаси дахлсизлигини сақлаб қолди.
Куртуанинг “Қироллик клуби” билан тузган амалдаги шартномаси 2026-йилнинг ёзига қадар мўлжалланган. Унинг Transfermarkt'даги нархи 25 миллион еврога баҳоланмоқда.
