«Реал» Куртуа билан шартномани узайтирди
Фото: Getty Images
Мадриднинг "Реал" клуби дарвозабони Тибо Куртуа билан янги шартнома имзолайди.
Marca нашри хабарига кўра, 33 ёшли бельгиялик голкипер 2026 йилгача мўлжалланган шартномани яна 1 йилга узайтиради.
Томонлар янги келишув бўйича аллақачон ўзаро бир тўхтамга келган. Куртуа “Реал”да қолишни хоҳлайди ва келишувга рози бўлган.
Куртуа 2018 йилдан бери “қироллик” клубида тўп суради. Ҳозирда Transfermarkt томонидан 20 миллион еврога баҳоланган. У "Реал" сафида 288 та ўйинда 282 та гол ўтказиб юборган ва 113 бор дарвозаси дахлсизлигини сақлаб қолган.
Баҳром Бобонов
Редактор
