«Реал» Альваро Каррерасни сақлаб қолмоқчи
Унинг «Реал» билан амалдаги шартномаси 2031 йил 30 июнгача мўлжалланган.
ФОТО: Getty images
Мадриднинг «Реал» клуби чап қанот ҳимоячиси Альваро Каррерасни 2026/27 йилги мавсум учун жамоада сақлаб қолишни режалаштирмоқда. Бу ҳақда журналист Фабрицио Романо ўзининг X саҳифасида хабар берди.
Манбага кўра, испаниялик футболчи асосий чап қанот ҳимоячиси Марк Кукурельянинг ўринбосари сифатида қаралмоқда.
Шунингдек, «қаймоқранглилар» раҳбарияти Каррерас учун келиб тушган «Манчестер Юнайтед» ва «Челси»нинг трансфер сўровларига рад жавобини берган.
2025/26 йилги мавсумда Альваро Каррерас барча мусобақаларда 40 та учрашувда иштирок этиб, 2 та гол ва 3 та голли узатмага муаллифлик қилди.
Унинг «Реал» билан амалдаги шартномаси 2031 йил 30 июнгача мўлжалланган. Transfermarkt портали футболчининг бозор қийматини 50 миллион еврога баҳоламоқда.
