Расман! “Реал” 17 ёшли аргентиналик футболчининг трансфери эълон қилинди
Футбол
Насрулло Каримов
Журналист
ФОТО: Getty Images
“Ривер Плейт” клуби футболчиси Франко Мастантуоно расман “Реал Мадрид”га ўтди. Бу ҳақда Аргентина клуби матбуот хизмати хабар берди.
Манбага кўра, трансфер нархи 63,2 миллион еврони ташкил қилган. Мастантуоно Клублар ўртасидаги Жаҳон чемпионати якунланганидан сўнг испан гранди сафига бориб қўшилади.
“Франко, фидойилигингиз ва иқтидорингиз учун ташаккур. Клубда қандай ўсганингизни кўриш биз учун фахр. Фаолиятингизнинг кейинги босқичида сизга омад тилаймиз”, – дейилади клуб баёнотида.
Маълумот учун, Мастантуоно “Ривер Плейт” сафида жами 61 та ўйинда майдонга тушиб, 10 та гол урган ва 7 та голли узатмани амалга оширган.
