Rasman! “Real” 17 yoshli argentinalik futbolchining transferini e'lon qildi

Futbol 13 iyn 2025 da 09:50

Nasrullo Karimov

Журналист

“River Pleyt” klubi futbolchisi Franko Mastantuono rasman “Real Madrid”ga o'tdi. Bu haqda Argentina klubi matbuot xizmati xabar berdi.

Manbaga ko'ra, transfer narxi 63,2 million yevroni tashkil qilgan. Mastantuono Klublar o'rtasidagi Jahon chempionati yakunlanganidan so'ng ispan grandi safiga borib qo'shiladi.

“Franko, fidoyiligingiz va iqtidoringiz uchun tashakkur. Klubda qanday o'sganingizni ko'rish biz uchun g'urur. Faoliyatingizning keyingi bosqichida sizga omad tilaymiz”, - deyiladi klub bayonotida.

Ma'lumot uchun, Mastantuono “River Pleyt” safida jami 61 ta o'yinda maydonga tushib, 10 ta gol urdi va 7 ta golli uzatmani amalga oshirdi.

Aloqador jamoalar va ligalar

Real Madrid

River Plate

Ispaniya La Ligasi

Argentina namunaviy divizioni