Расман! Дин Хейсен “Реал Мадрид” футболчисига айланди
ФОТО: Getty Images
Мадриднинг “Реал” клуби “Борнмут” марказий ҳимоячиси Дин Хейсенни ўз сафига қўшиб олди. Бу ҳақда “қаймоқранглилар” матбуот хизмати расман эълон қилди.
Манбага кўра, томонлар 2030 йилнинг ёзига қадар мўлжалланган шартнома имзолаган. Хейсен 2025 йилнинг 1 июнидан бошлаб расман “Реал” футболчисига айланади.
Маълумот учун, Дин Хейсен жорий мавсум “Борнмут” сафида жами 34 та ўйинда майдонга тушиб, 3 та гол урди ва битта голли узатмани амалга оширди. Унинг Transfermarkt'даги нархи 42 миллион евро деб баҳоланмоқда.
Насрулло Каримов
Журналист
