Rasman! Din Xeysen “Real Madrid” futbolchisiga aylandi

Madridning “Real” klubi “Bornmut” markaziy himoyachisi Din Xeysen o'z safiga qo'shib oldi. Bu haqda “qaymoqranglilar” matbuot xizmati rasman e'lon qildi.

Manbaga ko'ra, tomonlar 2030-yilning yoziga qadar mo'ljallangan shartnoma imzolagan. Xeysen 2025-yilning 1-iyunidan boshlab rasman “Real” futbolchisiga aylanadi.

Ma'lumot uchun, Din Xeysen joriy mavsum “Bornmut” safida jami 34 ta o'yinda maydonga tushib, 3 ta gol urdi va bitta golli uzatmani amalga oshirdi. Uning Transfermarkt'dagi narxi 42 million yevroga baholanmoqda.

Nasrullo Karimov

Jurnalist