Расман! “Барселона” ярим ҳимоячиси жароҳат олди

Каталониянинг “Барселона” клуби 22 ёшли ярим ҳимоячи Пабло Торренинг жароҳат олганини эълон қилди.

“Пабло Торре чап тиззасида ноқулайлик сезмоқда. Қайтиш вақти реабилитация жараёнига боғлиқ”, - дейилади хабарда.

Маълумот учун, Торре 2022-йилдан буён “Барселона” таркибида ўйнаб келмоқда. Бу давр ичида у барча турнирларда 27 та ўйинда майдонга тушиб, 5 та гол урди ва 4 та голли узатмани амалга оширди.

Унинг испан гранди билан тузган амалдаги шартномаси 2026-йилнинг ёзига қадар мўлжалланган. Transfermarkt портали эса Паблони 7,5 миллион евроға баҳоламоқда.

Насрулло Каримов

Журналист