Расман: «Барселона» Де Йонг билан шартномани узайтирди
Томонлар ўртасида тузилган аввалги келишув жорий мавсум охирида якунга етиши керак эди.
ФОТО: Getty Images
Каталониянинг «Барселона» клуби нидерландиялик яримҳимоячи Френки де Йонг билан янги меҳнат шартномасини имзолади. Бу ҳақда «кўк-анорранглилар» матбуот хизмати расман эълон қилди.
Манбага кўра, томонлар ўртасида 2029 йилга қадар мўлжалланган янги битим тузилган.
Эслатиб ўтамиз, 28 ёшли футболчи 2019 йилдан буён «Барселона»да тўп сурмоқда. Бу давр ичида у Ла Лигада 183 та ўйинда майдонга тушиб, 14 та гол ва 16 та голли узатма муаллифига айланди.
Нидерландиялик яримҳимоячи каталонияликлар билан бирга икки марта Ла Лига чемпиони бўлди, шунингдек, мамлакат кубоги ва Суперкубогини ҳам қўлга киритди.
Ўтган мавсумда Де Йонг барча турнирларда 46 та ўйин ўтказиб, 2 та гол урди ва 2 та ассистни ўз номига ёздириб қўйди.
Насрулло Каримов
Журналист
