Рафинья “Олтин тўп”га бўлган муносабати ҳақида гапирди
Бразилия терма жамоаси ва Каталониянинг “Барселона” клуби ҳужумчиси Рафинья “Олтин тўп”га бўлган муносабати ҳақида гапирди.
“Олтин тўп” ҳақида ўйламайман. Аммо ғалаба қозонсам, бу клуб ва Ватаним учун қилган меҳнатимнинг натижаси бўлади. Бироқ менинг мақсадим жамоа билан чемпионликни қўлга киритиш. Индивидуал совринлар кейинги ўринда туради.
Кўпчилик менга “Олтин тўп” мемларини юборишади. Лекин бу мен учун муҳим эмас. Бу мен ўз олдимга қўйган мақсад эмас. Менинг мақсадим – чемпионликни қўлга киритиш ва ўзим ўйнаган жамоага боримни бериш”, – дейди Рафинья.
Эслатиб ўтамиз, Рафинья 2022-йилдан буён “Барселона” сафида ўйнаб келмоқда. У жорий мавсум барча турнирларда 54 та ўйинда майдонга тушиб, 34 та гол урди ва 25 та голли узатмани амалга оширди. Унинг Transfermarkt’даги нархи 80 миллион евро деб баҳоланмоқда.
