Рафинья: “АПЛ - футбол ўйнаш ва томоша қилиш учун энг яхши лига”

Футбол 13 май 2025 да 08:43

Насрулло Каримов

Jurnalist

Бразилия терма жамоаси ва Каталониянинг “Барселона” клуби ҳужумчиси Рафинья Англия Премьер-лигаси ҳақида ўз фикрларини билдирди.

“АПЛ — бу футбол ўйнаш ва томоша қилиш учун энг яхши лига. Премьер-лигада рақибдан қатъи назар, ҳар икки жамоа 90 дақиқа давомида бир-бирларига ҳужум қилишларини кузатасиз”, — дейди Рафинья.

Эслатиб ўтамиз, бразилиялик вингер 2020-йилдан 2022-йилгача “Лидс” сафида тўп сурган. Бу давр ичида у жами 67 та ўйин ўтказиб, 17 та гол урган ва 12 та голли узатмани амалга оширган.

2022-йилда эса Рафинья “Барселона” сафига келиб қўшилган. Жорий мавсумда у барча турнирларда 54 та ўйинда майдонга тушиб, 34 та гол урди ва 25 та голли узатмани амалга оширди. Унинг Transfermarkt'даги нархи 80 миллион евроға баҳоланмоқда.

Алоқадор жамоалар ва лигалар

Barcelona

Leeds

Испания Ла Лигаси

Англия Премер-лигаси