Rafinya: “APL - futbol o'ynash va tomosha qilish uchun eng yaxshi liga”
Braziliya terma jamoasi va Kataloniyaning “Barselona” klubi hujumchisi Rafinya Angliya Premyer-ligasi haqida o'z fikrlarini bildirib o'tdi.
“APL - bu futbol o'ynash va tomosha qilish uchun eng yaxshi liga. Premyer-ligada raqibdan qat'iy nazar, har ikki jamoa 90 daqiqa davomida bir-birlariga hujum qilishlarini kuzatasiz”, - deydi Rafinya.
Eslatib o'tamiz, braziliyalik vinger 2020-yildan 2022-yilgacha “Lids” safida to'p surgan. Bu davr ichida u jami 67 ta o'yin o'tkazib, 17 ta gol urgan va 12 ta golli uzatmani amalga oshirgan.
2022-yilda esa Rafinya “Barselona” safiga kelib qo'shilgan. Joriy mavsumda u barcha turnirlarda 54 ta o'yinda maydonga tushib, 34 ta gol urdi va 25 ta golli uzatmani amalga oshirdi. Uning Transfermarkt'dagi narxi 80 million yevroga baholanmoqda.
