Рафинья: “Ҳанси Флик туфайли “Барселона”да қолдим”
Футбол
Насрулло Каримов
Журналист
ФОТО: Getty Images
Бразилия терма жамоаси ва Каталониянинг “Барселона” клуби ҳужумчиси Рафинья бош мураббий Ҳанс-Дитер Флик ҳақида фикр билдирди.
“Мен Ҳанси Флик туфайли “Барселона”да қолдим. У менга унинг режаларида муҳим роль ўйнашимни айтди. Ҳанси Флик — футболчиларга қайғурадиган одам.
Ўйнамаганлар табиийки хафа бўлади, лекин у ҳеч кимни хафа қилмоқчи эмас. У ажойиб жамоа тузмоқчи. Унинг инсонпарварлик томони, ғамхўрлиги, адолатлилиги... У ғалаба қозонишни истайди”, — дейди Рафинья.
Эслатиб ўтамиз, Рафинья 2022 йилдан буён “Барселона” сафида ўйнаб келмоқда. У жорий мавсум барча турнирларда 54 та ўйинда майдонга тушиб, 34 та гол урди ва 25 та голли узатмани амалга оширди. Унинг Transfermarkt’даги нархи 80 миллион евроға баҳоланмоқда.
