Opta. Нефтчи дунё рейтингда 933-ўринни эгаллади
Opta Sports томонидан ишлаб чиқилган суперкомпьютер футбол клубларининг янгиланган жаҳон рейтинги эълон қилинди. Ушбу рейтингда дунёдаги 13 000 дан ортиқ профессионал клублар қамраб олинган бўлиб, улар замонавий статистик моделлар ва минглаб симуляциялар асосида баҳоланган.
Мазкур рўйхатда Фарғонанинг фахри — Нефтчи футбол клуби 933-ўринни эгаллаб, яна бир бор халқаро майдондаги ўз ўрнини мустаҳкамлади.
Нефтчи натижалари:
Дунё рейтинги: 933-ўрин
Осиё бўйича: 58-ўрин
Ўзбекистонда: 1-ўрин
Шунингдек, мамлакатиимиздан яна икки клуб:
Насаф — 954-ўрин
Пахтакор — 1017-ўрин
кўрсаткичлари билан рейтингдан жой олди.
Глобал етакчилар қаторида:
Arsenal
Bayern Munich
Barcelona
Real Madrid
Manchester City
Таҳлил ва аҳамияти:
Opta суперкомпьютери жамоаларнинг кучини қуйидаги омиллар асосида баҳолайди:
ўйин натижалари ва барқарорлик
ҳужум ва ҳимоя самарадорлиги (xG каби кўрсаткичлар)
рақиб даражаси
ўйинлар интенсивлиги ва формаси
Шу жиҳатдан, Нефтчи’нинг ТОП-1000 таликка кириши — бу тасодиф эмас, балки жамоанинг барқарор ривожланиши, тизимли ўйин фалсафаси ва натижавий ишлари маҳсулидир.
Хулоса:
Нефтчи бугун нафақат Ўзбекистонда етакчи, балки Осиё миқёсида ҳам ўз ўрнига эга жамоа сифатида эътироф этилмоқда.
