Нико Уильямс фаолиятини “Реал”да давом эттириши мумкин
Футбол
Насрулло Каримов
Журналист
ФОТО: Getty Images
Мадриднинг “Реал” клуби “Атлетик” вингери Нико Уильямсга жиддий қизиқиш билдирмоқда. Бу ҳақда Marca нашри хабар берди.
Манбага кўра, “қаймоқранглилар” шартнома муддатидан аввал бекор қилингани учун Бильбао клубига 58 миллион евро товон пули тўлаши керак бўлади.
Таъкидланишича, 22 ёшли футболчи харид қилинса, Родриго “Қироллик клуби”ни тарк этиши мумкин.
Маълумот учун, Уильямс жорий мавсум барча турнирларда 44 та ўйинда майдонга тушиб, 11 та гол урди ва 7 та голли узатмани амалга оширди. Унинг Transfermarkt’даги нархи 70 миллион еврога баҳоланмоқда.
