Муҳим ўйинлар олдидан “Барселона” жиддий йўқотишга учради
Каталонияниг “Барселона” клуби ҳужумчиси Роберт Левандовски Ла Лиганинг 32-туридан ўрин олган “Сельта”га қарши баҳсда (4:3) жароҳат олди.
AS хабарига кўра, полшалик футболчи “Барселона”нинг бўлажак ўйинларида иштирок эта олмайди. У сон пайларидан шикастланганы тахмин қилинмоқда. Бундай ҳолатда, унинг тикланиши учун камида уч ҳафта керак бўлади.
Бундан кўринидики, Левандовски 26-апрел куни бўлиб ўтадиган “Реал Мадрид”га қарши Испания Кубоги финалини ўтказиб юборади. Шунингдек, Лева “Интер”га қарши баҳсда ҳам майдонга тушиши мавҳумлигича қолмоқда.
Маълумот учун, Роберт Левандовски жорий мавсум Ла Лигада 31 та ўйинда майдонга тушиб, 25 та гол урди ва 2 та голли узатмани амалга оширди. Унинг Transfermarkt'даги нархи 15 миллион еврога баҳоланмоқда.
