Модрич кетганидан сўнг “Реал”да 10-рақамни ким олиши маълум бўлди
Футбол
Насрулло Каримов
Журналист
ФОТО: Getty Images
Хорватиялик ярим ҳимоячи Лука Модрич “Реал Мадрид”ни тарк этганидан сўнг унинг 10-рақамини жамоада ким олиши маълум бўлди.
Footmercato нашрининг хабар қилишича, Мадрид клуби раҳбарияти бўш турган рақамни француз ҳужумчиси Килиан Мбаппега таклиф қилган.
“Реал”даги илк мавсумида Мбаппе 9-рақамда ҳаракат қилган эди. Манбага кўра, футболчи клуб таклифига ижобий жавоб берган ва эҳтимол унга рози бўлади.
Эслатиб ўтамиз, аввалроқ 39 ёшли хорватиялик футболчи “Реал” билан муддати тугаётган шартномасини узайтирмаслиги маълум бўлган эди.
