Микел Артета таъқиб қилувчи эмас, балки пешқадам ролида бўлишни маъқул кўришини таъкидлади
Микел Артета таъқиб қилувчи эмас, балки пешқадам ролида бўлишни маъқул кўришини таъкидлади.
«Биз ҳаммасини янгитдан бошлаяпмиз ва ўз позициямизини сақлаб қолиш учун салоҳиятимиз етарли эканлигини исботлашимиз керак. Лекин ўйлайманки, сўнгги уч мавсумда айнан шундай бўлди — баъзан биз биринчи эдик, баъзан эса шунга интилиқдик. Қайси бири яхшироқ эканини эса олдиндан билиб бўлмайди. Аммо агар мендан танлашни сўрасангиз, мен биринчи бўлишни афзал кўраман. Бизни таъқиб қилишларини, бошқаларга қарам бўлмасдан вазиятни назорат қилишни хоҳлайман.
Жамоани қўшимча тарзда олдинга ундашнинг кераги йўқ. Агар уларга туртки керак бўлса, ишонинг, улар бундан баҳраманд бўлишади. Мавсумдан завқ олиш учун улар ўзларидаги энергия ва иштиёқни намоён қилишлари, бор кучларини майдонда кўрсатишлари лозим.
Биз ҳар куни бир-биримизни қўллаб-қувватлаймиз. Чунки биз ўзгача бир муҳит яратдик ва бунга кўп вақт талаб этилди. Энди эса уни ҳар куни асраб-авайлаётганимизга ишонч ҳосил қилишимиз керак. Энг муҳими шу», – деди Артета.
