Mikel Arteta ta’qib qiluvchi emas, balki peshqadam rolida bo‘lishni ma’qul ko‘rishini ta’kidladi
Mikel Arteta ta’qib qiluvchi emas, balki peshqadam rolida bo‘lishni ma’qul ko‘rishini ta’kidladi.
«Biz hammasini yangitdan boshlayapmiz va o‘z pozitsiyamizni saqlab qolish uchun saviyamiz yetarli ekanligini isbotlashimiz kerak. Lekin o‘ylaymanki, so‘nggi uch mavsumda aynan shunday bo‘ldi — ba’zan biz birinchi edik, ba’zan esa shunga intildik. Qaysi biri yaxshiroq ekanini esa oldindan bilib bo‘lmaydi. Ammo agar mendan tanlashni so‘rasangiz, men birinchi bo‘lishni afzal ko‘raman. Bizni ta’qib qilishlarini, boshqalarga qaram bo‘lmasdan vaziyatni nazorat qilishni xohlayman.
Jamoani qo‘shimcha tarzda oldinga undashning keragi yo‘q. Agar ularga turtki kerak bo‘lsa, ishoning, ular buni olishadi. Mavsumdan zavq olish uchun ular o‘zlaridagi energiya va ishtiyoqni yuzaga chiqarishlari, bor kuchlarini maydonda ko‘rsatishlari kerak.
Biz har kuni bir-birimizni qo‘llab-quvvatlaymiz. Chunki biz o‘zgacha bir muhit yaratdik va buning uchun ko‘p vaqt talab etildi. Endi esa uni har kuni asrab-avaylayotganimizga ishonch hosil qilishimiz kerak. Eng muhimi shu», – dedi Arteta.
