Мбаппе сўнгги етти йилликдаги энг ёмон натижасини қайд этди
Футбол
Насрулло Каримов
Журналист
ФОТО: Getty Images
Мадриднинг “Реал” клуби ҳужумчиси Килиан Мбаппе Чемпионлар Лигаси чорак финалининг жавоб ўйинида “Арсенал” дарвозасига гол ура олмади. Шу тариқа, Мбаппенинг самарасиз (гол ёки ассистсиз) ўйинлари сони бештага етди.
OptaJean хабарига кўра, бу француз форвардининг 2018 йилнинг апрел-май ойларидан бери энг ёмон натижаси ҳисобланади. Ўшанда ҳам Мбаппе кетма-кет бешта ўйинда на гол урган ва на ассист берган.
Эслатиб ўтамиз, “Реал” Чемпионлар Лигаси чорак финалининг ҳар икки ўйинида (1:2, 0:3) “Арсенал”га мағлуб бўлиб, турнир билан хайрлашди.
Маълумот учун, Мадрид клуби ўзининг навбатдаги ўйинини Ла Лиганинг 32-турида “Атлетик”га қарши ўтказади. Мбаппе “Арсенал”га қарши ўйинда олган жароҳати сабаб ушбу ўйинни ўтказиб юбориши мумкин.
