Мбаппе Роналдунинг рекордини янгилашига бир қадам қолди

Испания кубоги

17.12.2025, Як.

CF Talavera de la Reina

2

Реал Мадрид

3

Франциялик ҳужумчи Килиан Мбаппе 2025 йил давомида «Реал» сафидаги 58-голини урди. Футболчи Испания Кубогидаги «Талавера»га қарши баҳсда (3:2) дубл қайд этди.

Шу тариқа Мбаппе «Реал» тарихида бир календарь йил ичида урилган голлар бўйича Криштиану Роналду рекордига жуда яқинлашди. Португалиялик футболчи 2013 йили 59 та гол урган эди. Мбаппе эса ундан атиги битта гол ортда қолмоқда.

2025 йил охиригача «Реал» яна битта учрашув ўтказади — Ла Лига доирасида «Севилья»га қарши.

Мбаппе 2024 йилдан буён «Реал» шарафини ҳимоя қилиб келмоқда. Унинг клуб билан тузган шартномаси 2029 йилгача амал қилади. Жорий мавсумда франциялик футболчи барча турнирларда 26 та ўйин ўтказиб, 29 та гол ва 4 та ассист муаллифига айланди.

Насрулло Каримов

Журналист