Мбаппе Анчелоттининг кетишига муносабат билдирди
ФОТО: Getty Images
Мадриднинг “Реал” клуби ҳужумчиси Килиан Мбаппе Карло Анчелотти мавсум охирида жамоани тарк этишига муносабат билдирди.
“Жаноб, бугун клубдаги сўнгги кунингиз. Биринчи кундан бери мен учун қилган барча ишларингиз учун сизга ва ходимларингизга раҳмат. Сиздек мураббий билан ишлаш мен учун шараф эди. Сизга энг яхши тилакларимни тилаб қоламан”, - дейди Мбаппе.
Маълумот учун, Анчелотти 2021-йилдан буён испан грандини бошқариб келмоқда. Мбаппе эса ўтган ёзда “Реал” таркибига келиб қўшилди. У италиялик мутахассис қўл остида УЕФА Суперкубоги ва Қитъалараро кубокни қўлга киритди.
Насрулло Каримов
Журналист
