Марокашда катта йўқотиш: юлдуз ҳужумчи Францияга қарши ЖЧ чорак финалини ўтказиб юборади
Марокаш терма жамоаси пайшанба оқшомида Жаҳон чемпионати чорак финалида турнир фаворитларидан бири Францияга қарши майдонга тушади. Бироқ муҳим учрашув олдидан жамоа жиддий йўқотишга учради.
Жамоанинг юлдуз ҳужумчиси Исмоил Сайбари Бостонда бўлиб ўтадиган баҳсда майдонга туша олмайди. Футболчи аввалги босқичда олган сон мушаги жароҳатидан тўлиқ тикланишга улгурмаган.
Сайбари жароҳат сабаб сафдан чиқди
Францияга қарши чорак финал олдидан Марокаш учун бу катта зарба бўлди. Сайбари сон мушагидаги жароҳат сабаб ушбу учрашувни ўтказиб юборади.
“Бавария”нинг янги 50 миллион евролик хариди Канада устидан 3:0 ҳисобига эришилган 1/8 финал баҳсининг 22-дақиқасидаёқ майдонни тарк этишга мажбур бўлганди.
Бостонда ўтказилган МРТ текшируви жароҳат жиддий эмаслигини кўрсатган бўлса-да, Францияга қарши муҳим ўйин ҳужумчи учун жуда эрта бўлиб чиқди.
Уахби ҳужумчининг майдонга туша олмаслигини тасдиқлади
Марокаш бош мураббийи Муҳаммад Уахби ўйинолди матбуот анжуманида Сайбарининг Францияга қарши баҳсда иштирок эта олмаслигини тасдиқлади.
Муттахассис фақат тўлиқ тайёр ҳолатдаги футболчиларни майдонга туширишини таъкидлади. Шу билан бирга, агар Марокаш турнирда юришини давом эттирса, етакчи футболчилардан бири кейинги босқичларда сафга қайтишига умид билдирди.
— Сайбаридан ташқари барча футболчилар тайёр. Бу ўйин у учун биоз эрта бўлди. Аммо умид қиламанки, у турнирнинг қолган қисмидан бутунлай чиқиб кетмаган. Ҳамма сафда, лекин биз, албатта, фақат 100 фоиз тайёр бўлган футболчиларни танлаймиз, — деди Уахби.
