Франция Мбаппенинг жароҳатини назорат остига олди
Килиан Марокашга қарши баҳснинг 77-дақиқасида майдонни тарк этган эди.
ФОТО: Getty images
Жаҳон чемпионати
09.07.2026, Як.
Франция
2
Марокаш
0
Франция терма жамоаси мураббийлар штаби ҳужумчи ва жамоа сардори Килиан Мбаппенинг тўпиғи ҳолатини диққат билан кузатиб бормоқчи.
Футболчи Жаҳон чемпионати–2026 чорак финалида Марокашга қарши ўйиннинг (2:0) иккинчи бўлимида ушбу жойидан зарба қабул қилган. Бу ҳақда журналист Фабрис Хоукинс ўзининг X ижтимоий тармоғида хабар берди.
Манбага кўра, Франция йиғинида Мбаппенинг жаҳон чемпионати ярим финалида майдонга тушишига шубҳа қилинмаяпти.
Қайд этилишича, зарба 2020 йилда жиддий жароҳат олган тўпиқ қисмига тўғри келган. Ўша вақтдан бери унинг аҳволи анча яхшиланган бўлса-да, ушбу жой ҳали ҳам эҳтиёткорлик билан назорат қилиниши лозим.
Эслатиб ўтамиз, Мбаппе Марокашга қарши баҳснинг 77-дақиқасида майдонни тарк этган эди.
