Маркус Решфорд бир қарорга келди: у “Барселона”га ўтмоқчи
Англиянинг “Манчестер Юнайтед” клуби ҳужумчиси Маркус Решфорд келажаги борасида бир қарорга келди. Бу ҳақда El Nacional хабар бермоқда.
Манбага кўра, Решфорд фақатгина “Барселона”га ўтишни хоҳлайди. Ўтган мавсум ҳужумчи ижара асосида “Астон Вилла”да тўп сурди.
Аввалроқ каталонияликлар инглиз футболчисининг ушбу қарорини қадрлаши, бироқ ҳужумни кучайтириш учун “Ливерпуль” вингери Луис Диасни устувор вариант сифатида кўраётгани айтилганди.
Решфорд эса июн ойи давомида “Барселона”нинг якуний қарорини кутishga тайёр. Айни дамда 27 ёшли ҳужумчига “Челси”, “Арсенал”, “Астон Вилла”, “Интер” ва “Милан” клублари қизиқиш билдирмоқда.
Маълумот учун, Решфорднинг “Манчестер Юнайтед”даги маоши мавсумига 10 миллион еврони ташкил қилади. Аммо вингер испан грандига ўтиш учун маошини камайтиришга ҳам тайёр.
