«Манчестер Юнайтед» раҳбарияти жамоа бош мураббийини алмаштириш масаласини кўриб чиқмоқда
«Манчестер Юнайтед» раҳбарияти жамоа бош мураббийини алмаштириш масаласини кўриб чиқмоқда.
Indykaila News нашри клуб ичидаги манбаларига таяниб хабар беришича, «қизил иблислар» янги бош мураббий излаш жараёнини бошлаган. Яқин келажакда Манчестер клуби мураббийлар штабида ўзгариш юз бериши мумкин.
Манбанинг маълум қилишича, «Манчестер Юнайтед» раҳбарияти амалдаги бош мураббий Майкл Каррик жамоани янги босқичга олиб чиқа олишига ишонмаяпти.
Нашр вазиятни шундай таърифламоқдаки, Каррикнинг ўз лавозимини сақлаб қолиши учун деярли мўъжиза рўй бериши керак.
Шунингдек, германиялик мутахассис Юлиан Нагельсманннинг вакиллари «Манчестер Юнайтед» билан музокаралар ўтказишга тайёр экани айтилмоқда.
Хабарга кўра, Германия терма жамоаси бош мураббийлигидан кетган Нагельсманн айни пайтда ишсиз ва янги таклифларни кўриб чиқиши мумкин.
Қайд этиш жоиз, «Манчестер Юнайтед» Англия Премьер-лигасининг жорий мавсумида 12-ўринни эгаллаб турибди.
