АПЛ. «Манчестер Юнайтед» «Тоттенхэм»га қарши ўйинда сўнгги дақиқаларда ғалабани қўлдан чиқарди
Англия Премьер-лигасининг 2026/2027 йилги мавсуми 6-туридан ўрин олган «Манчестер Юнайтед» ва «Тоттенҳэм» жамоалари ўртасидаги учрашув 1:1 ҳисобида якунланди.
Учрашувда ҳисоб 73-дақиқада очилди. «Манчестер Юнайтед» ҳужумчиси Брайан Мбемо узоқ бурчакка аниқ зарба йўллаб, жамоасини олдинга олиб чиқди.
78-дақиқада «Тоттенҳэм» ярим ҳимоячиси Родриго Бентанкур тўғридан-тўғри қизил карточка олди. Шундан кейин лондонликлар майдонда бир киши кам бўлиб қолишди.
Бироқ мезбонлар сон жиҳатидан устунликни ғалабага айлантира олишмади. 90+2-дақиқада «Тоттенҳэм» ҳужумчиси Доминик Соланке бош билан зарба бериб, ҳисобни тенглаштирди — 1:1.
Шу тариқа, «Манчестер Юнайтед» ғалабани қўлдан чиқарди. Манчестерликлар олтита турдан кейин олти очко билан турнир жадвалининг 12-поғонасини эгаллаб турибди. «Тоттенҳэм» эса уч очко билан 18-ўринга кўтарилди.
Англия Премьер-лигаси. 6-тур
«Манчестер Юнайтед» — «Тоттенҳэм» — 1:1
Голлар: Мбемо (73) —Соланке (90+2).
Четлатиш: Бентанкур (78).
