“Манчестер Сити” ҳимоячиси фаолиятини Туркияда давом эттириши мумкин
ФОТО: Getty Images
Туркиянинг “Фенербахче” клуби “Манчестер Сити” қанот ҳимоячиси Кайл Уокерга қизиқиш билдирмоқда. Бу ҳақда журналист Ягыз Сабунчўғлу хабар берди.
Манбага кўра, Истанбулликлар раҳбарияти футболчига аллақачон таклиф билан чиққан. Қайд этилишича, Уокер камида икки йиллик шартномага эга бўлмоқчи.
Агар ҳимоячи “Фенербахче” билан келиша олмаса, “Манчестер Сити” уни текинга қўйиб юборишга тайёр. Турк клуби аллақачон футболчининг агентлари билан музокара олиб бормоқда.
Маълумот учун, Уокер ўтган мавсумни ижара асосида “Милан”да ўтказиб, 14 та ўйинда майдонга тушди. Унинг “шаҳарликлар” билан тузган амалдаги шартномаси 2026 йилнинг ёзига қадар амал қилади.
Насрулло Каримов
Журналист