Манба: Агар “Барселона” Жоан Гарсияни сотиб олса, тер Штеген жамоани тарк этади
Футбол
Насрулло Каримов
Журналист
ФОТО: Getty Images
“Барселона” раҳбариятининг йиғилиши бўлиб ўтди, унда дарвозабоннинг жамоадаги ўрни бўйича қарор қабул қилинди. Бу ҳақда RAC1 нашри хабар бермоқда.
Манбага кўра, “кўк-анорранглилар” “Эспаньол” дарвозабони Жоан Гарсиядан кутмоқда. Каталонияликлар раҳбарияти 24 ёшли голкипер уларнинг таклифини қабул қилишига ишонмоқда.
Агар Гарсия “Барселона”га ўтса, испан гранди раҳбарлари 33 ёшли дарвозабон Марк-Андре тер Штегенни сотишни режалаштирмоқда.
Эслатиб ўтамиз, тер Штеген 2014 йилнинг ёзидан буён “Барселона”да ўйнаб келмоқда. Бу давр ичида у кўплаб совринлар, жумладан, Чемпионлар Лигасида ғалаба қозонди.
