Ла Лига. «Реал» сўнгги дақиқадаги гол эвазига «Эспаньол»ни мағлуб этди
Испания Ла Лигасининг 2-туридан ўрин олган «Эспаньол» — «Реал» учрашуви якунланди. Барселонадаги «Корнелья-Эль Прат» стадионида бўлиб ўтган баҳсда мадридликлар 2:1 ҳисобида ғалаба қозонди.
Меҳмонлар 9-дақиқада Жуд Беллингемнинг голи эвазига ҳисобни очди. 30-дақиқада «Эспаньол» ярим ҳимоячиси Алекс Калатрава мувозанатни тиклади. Ўйиннинг 90-дақиқасида эса Карлос Эспи ҳал қилувчи голни киритиб, «Реал»га ғалаба келтирди.
«Қаймоқранглилар»нинг 1-турда «Реал Сосьедад»га қарши ўйини 26-августга қолдирилган эди. «Эспаньол» эса янги мавсумдаги илк учрашувида «Леванте»ни 3:0 ҳисобида мағлуб этганди.
Кейинги турда «Эспаньол» 29-август куни «Реал Сосьедад» билан учрашади. «Реал» эса 30-августда «Малага»га қарши майдонга тушади.
Ла Лига. 2-тур
Эспаньол – Реал 1:2
Голлар: Калатрава 30 – Беллингем 9, Эспи 90
