La Liga "Барселона"га ёрдам бериши мумкин

Футбол 17 апр 2025 да 06:13

Насрулло Каримов

Jurnalist

"Барселона" шу ҳафтада "Боруссия Дортмунд" устидан умумий 5:3 ҳисобида ғалаба қозониб, Чемпионлар лигаси ярим финалига йўлланмани қўлга киритди.

"Барселона"нинг "Интер"га қарши биринчи ўйини 30-апрел куни, жавоб баҳси эса 6-май куни бўлиб ўтади.

"Барселона" учун ушбу синовнинг энг қийин томони шундаки, клуб "Интер"га қарши жавоб ўйинидан икки кун олдин, 4-май куни "Реал Валядолид"га қарши ўйнаши керак.

Шу мақсадда Ла Лига "Валядолид"га қарши учрашувни бошқа вақтга кўчириш орқали "Барселона"га ёрдам бермоқчи. Бу ҳақда COPE хабар бермоқда.

Манбага кўра, "Барселона"нинг "Валядолид"га қарши ўйини 3-майга кўчирилиши мумкин, шу сабабли каталонияликлар "Интер"га қарши жавоб ўйинига тайёргарлик кўриш учун қўшимча дам олиш кунларига эга бўлишади.

Алоқадор жамоалар ва лигалар

Barcelona

Испания Ла Лигаси