Кристенсен “Барселона”даги келажаги бўйича бир қарорга келди
Фото: Getty Images
Каталониянинг "Барселона" клуби ҳимоячиси Андреас Кристенсен келаси мавсумда жамоада қолиши мумкин. Бу ҳақда Marca хабар берди.
Қайд этилишича, 29 ёшли даниялик футболчи жамоадаги ўрни учун кураш олиб бориш ниятида. Кристенсеннинг клуб билан амалдаги шартномаси 2026 йил ёзигача мўлжалланган. Transfermarkt портали футболчининг бозор қийматини 15 миллион еврога баҳоламоқда.
Жорий мавсумда Ла Лиганинг учта ўйинида иштирок этган футболчи икки марта сариқ карточка олди. Андреас Кристенсен 2022 йилнинг ёзида "Барселона" сафига келиб қўшилган эди.
