Криштиану Роналдунинг Марокашдаги меҳмонхонасида ёнғин келиб чиқди
Португалиялик ҳужумчи Криштиану Роналдунинг Марокашда жойлашган меҳмонхонасида ёнғин келиб чиқди.
Ушбу ҳолат 5-апрел куни содир бўлган. Ёнғин хавфсизлиги хизмати ходимлари воқеа жойига етиб келиб, вазиятни назоратга олишга муваффақ бўлган.
Marocco World News нашри хабарига кўра, ёнғин катта талофатларни келтириб чиқармаган. Бино ичида бўлган барча меҳмонлар ва ходимларнинг эвакуацияси тўлиқ таъминланган.
Ёнғин меҳмонхонанинг қолган биноларига тарқалиши олди олинган. Мижозлар ва ходимлар хавфсизлигини таъминлаш учун барча зарур чоралар кўрилган. Жабрланганлар тўғрисида ҳали маълумот берилмаган.
Маълумот учун, “Pestana CR7” меҳмонхонаси 2022-йилда қуриб, фойдаланишга топширилган. Ҳозирда меҳмонхона яна одатдагидек ишлашда давом этаётгани айтилмоқда.
