Криштиану Роналду фаолиятини қайси клубда давом эттиришини маълум қилди
Футбол
Насрулло Каримов
Журналист
ФОТО: Getty Images
Португалия терма жамоасининг 40 ёшли ҳужумчиси Криштиану Роналду фаолиятини Саудиянинг “Ан-Наср” клубида давом эттиришини маълум қилди.
“Менинг келажагимчи? Асосан, ҳеч нарса ўзгармайди. Мен “Ан-Наср”да қоламан”, — дея Роналдунинг сўзларини келтиради Фабрицио Романо.
Криштианининг саудияликлар билан тузган амалдаги шартномаси 30-июнда якунга етади. Яқин кунларда томонлар янги шартнома имзолаши кутилмоқда.
Маълумот учун, Роналду ўтган мавсум барча турнирларда 41 та ўйинда майдонга тушиб, 35 та гол урди ва 4 та голга ассистентлик қилди. Унинг Transfermarkt’даги нархи 12 миллион еврога баҳоланмоқда.
