Киммих: «Финалда Кай учун мухлислик қиламан»

Чемпионлар лигаси

30.05.2026, Як.

ПСЖ

1

Арсенал

1

Германия терма жамоаси сардори Йозуа Киммих германиялик ҳужумчи Кай Хаверц туфайли УЕФА Чемпионлар Лигаси финалида «ПСЖ»га қарши ўйинда «Арсенал»ни қўллаб-қувватлашини айтди.

«Мен Кай учун мухлислик қиламан — умид қиламанки, у муваффақият тўлқинида бизга [Германия терма жамоасига] қўшилади. Бундай унвон ижобий энергия яратади. У биз учун муҳим ўйинчи ва Германияда етарлича қадрланмайди. Хаверц Еврода муҳим рол ўйнади, чунки у жамоамизга ёрдам берадиган ажойиб фазилатларга эга», — дея Киммихнинг сўзларини келтиради Bayern & Germany ижтимоий тармоқда.

Чемпионлар лигаси финали бугун, 30 май куни бўлиб ўтади. «ПСЖ» ва «Арсенал» ўртасидаги ўйин Будапештдаги «Пушкаш Арена» стадионида бўлиб ўтади.

Розикжон Султонмуродов

Журналист