Карло Анчелотти “Реал”нинг янги даври ҳақида фикр билдирди
Футбол
Насрулло Каримов
Журналист
ФОТО: Getty Images
Мадриднинг “Реал” клуби бош мураббийи Карло Анчелотти “қаймоқранглилар”нинг янги даври ҳақида гапирди.
Аввалроқ Лука Модрич мавсум якунланганда жамоани тарк этишини эълон қилганди. Анчелоттининг ўзи ҳам Ла Лиганинг сўнги туридан сўнг ўз лавозимини тарк этади.
“Айтишим мумкинки, Модричнинг кетиши билан “олтин” авлод бутунлай йўқ бўлиб кетади. Гарчи Карвахал клубда бўлса-да, у жароҳат олган. Аммо бу авлод ҳам бошқа авлодлар каби қачонлардир тугайди.
Кўпчилик аллақачон кетишган: Каземиро, Криштиану Роналду... Лекин “Реал” дунёдаги энг яхши клуб бўлиб қолди ва шундай бўлиб қолади”, – дейди Анчелотти.
Эслатиб ўтамиз, Анчелотти кетганидан сўнг унинг ўрнини ҳозирда “Байер”ни бошқариб турган Хаби Алонсо эгаллайди.
