Карло Анчелотти “Реал”ни тарк этишидан аввал Мбаппега нима дегани маълум бўлди
Футбол
Насрулло Каримов
Журналист
ФОТО: Getty Images
Мадриднинг “Реал” клуби бош мураббийи Карло Анчелотти мавсум охирида жамоани тарк этишига қарамай, “Қироллик клуби” футболчилари билан яхши муносабатда бўлиб турибди.
Хусусан, италиялик мутахассис Килиан Мбаппе билан яқин алоқада. У жамоани тарк этишидан аввал франциялик футболчига қуйидаги сўзларни айтди.
“Сен энди янада яхшироқ ўйнай оласан. Чунки бу Ла Лигадаги иккинчи мавсунинг бўлади. Сен аллақачон шаҳар ва клубга мослашиб бўлдинг. Кейинги йилдаги натижаларинг албатта яхши бўлади”.
Қайд этилишича, Мбаппе ҳам Анчелоттига клубга келганидан бери кўрсатилаётган қўллаб-қувватлаш ва ишонч учун миннатдорлик билдирган. Мбаппе италиялик мураббий билан ҳамкорлиги жорий мавсумда катта муваффақиятларга олиб келмаганидан афсусда эканлигини айтган.
