Карло Анчелотти: “Реал” деярли мукаммал мавсум ўтказмоқда”
ФОТО: Getty Images
Мадриднинг “Реал” клуби бош мураббийи Карло Анчелотти “қаймоқранглилар”нинг жорий мавсумдаги ўйини ҳақида фикр билдирди.
“Бу фаолиятимдаги энг қийин мавсум эмас. Ҳа, бу аввалгиларига қараганда қийинроқ. Лекин биз қийинчиликларга қарамай, деярли мукаммал мавсум ўтказяпмиз.
Олдинда ҳали бешта ўйин бор ва барчаси яхши томонга ўзгариши мумкин. Биз бор кучимизни бериб, қолган барча ўйинларда ғалаба қозонишга ҳаракат қилишимиз керак. Шунда мавсум жуда яхши якунланади”, - дейди италиялик мутахассис.
Маълумот учун, “Реал Мадрид” Испания Ла Лигасининг якунланган 33-туридан сўнг 72 очко жамғарган ҳолда турнир жадвалида иккинчи ўринда бормоқда.
Насрулло Каримов
Журналист
