Испания қаторaсига учинчи бор Миллатлар Лигаси финалига йўлланма олди
UEFA Миллатлар Лигаси ярим финалидан ўрин олган баҳсда Испания ва Франция ўзаро тўқнаш келди ва якунда Луис де ла Фуенте шогирдлари 5:4 ҳисобида ғалаба қозонди.
Шу тариқа, Испания терма жамоаси қаторaсига учинчи бор ушбу турнирнинг финалига йўлланма олди.
Мусобақанинг сўнгги, яъни 2022/2023-йилги мавсумида Испания терма жамоаси ярим финалда Италияни мағлуб этган (2:1) ва финалда Хорватиядан пенальтилар сериясида устун келган (0:0, пен 5:4).
2020/2021-йилги мавсумида эса Испания ярим финалда Италияни мағлуб этиб (2:1), ҳал қилувчи баҳсда Францияга имкониятни бой бериб қўйган (1:2).
Маълумот учун, 2024/2025- йилги мавсум финали 8-июн куни бўлиб ўтади. Унда Испания Португалияга қарши баҳс олиб боради. Шунингдек, шу куни бронза медаллари учун Германия ва Франция ҳам ўзаро тўқнаш келади.
