Ispaniya qatorasiga uchinchi bor Millatlar Ligasi finaliga yo'llanma oldi
UEFA Millatlar Ligasi yarim finalidan o'rin olgan bahsda Ispaniya va Fransiya o'zaro to'qnash keldi va yakunda Luis de la Fuente shogirdlari 5:4 hisobida g'alaba qozondi.
Shu tariqa, Ispaniya terma jamoasi qatorasiga uchinchi bor ushbu turnirning finaliga yo'llanma oldi.
Musobaqaning so'nggi, ya'ni 2022/2023-yilgi mavsumida Ispaniya terma jamoasi yarim finalda Italiyani mag'lub etgan (2:1) va finalda Xorvatiyadan penaltilar seriyasida ustun kelgan (0:0, pen 5:4).
2020/2021-yilgi mavsumda esa Ispaniya yarim finalda Italiyani mag'lub etib (2:1), hal qiluvchi bahsda Fransiyaga imkoniyatni boy berib qo'ygan (1:2).
Ma'lumot uchun, 2024/2025- yilgi mavsum finali 8-iyun kuni bo'lib o'tadi. Unda Ispaniya Portugaliyaga qarshi bahs olib boradi. Shuningdek, shu kuni bronza medallari uchun Germaniya va Fransiya ham o'zaro to'qnash keladi.
