Исломбек Исмоилов: «Бу биз учун ўсишга ундайдиган тажриба бўлди»

«Нефтчи» бош мураббийи Исломбек Исмоилов «Зенит»га қарши ўртоқлик баҳсидан сўнг ўз фикрларини билдирди.

«Зенит» нафақат Россияда, балки Европада ҳам яхши жамоа ҳисобланади. Атмосфера аъло даражада эди, стадион ҳам жуда ёқди. Ҳа, биз йирик ҳисобда мағлуб бўлдик, аммо бу биз учун ўсишга ундайдиган тажриба бўлди. Менимча, "Зенит" бемалол Чемпионлар Лигасида иштирок эта оларди — уларнинг таркиби ҳам, бош мураббийи ҳам жуда кучли», — деди Исмоилов.

Эслатиб ўтамиз, Россия клублари 2022 йилдан буён FIFA ва УЕФА мусобақаларидан четлатилган ва ҳозирча халқаро турнирларда иштирок этмаяпти.

Иброҳим Жалолов

Редактор

0 0 0 0 0 0