“Интер” Жонатан Девидга таклиф билан чиқди

“Интер” жорий мавсум охирида “Лилл”ни тарк этиши кутилмоқдаган 25 ёшли ҳужумчи Жонатан Девидга таклиф билан чиқди. Бу ҳақда La Gazzette dello Sport нашри хабар бермоқда.

Манбага кўра, канадалик футболчи ҳар мавсум учун 5 миллион евро маош олмоқчи. Нерадзуррилар эса ҳужумчига камроқ маош таклиф қилмоқда.

Шунингдек, Девидга “Реал”, “Барселона”, “Ливерпуль”, “Челси”, “Наполи” ва “Бавария” ҳам қизиқиш билдирмоқда.

Маълумот учун, Девид жорий мавсум барча турнирларда 48 та ўйинда майдонга тушиб, 25 та гол урди ва 12 та голли узатмани амалга оширди. Унинг Transfermarkt'даги нархи 45 миллион еврога баҳоланмоқда.

Насрулло Каримов

Журналист