Илкай Гюндоган фаолиятини Туркияда давом эттириши мумкин
Футбол
Насрулло Каримов
Журналист
ФОТО: Getty Images
Туркиянинг “Галатасарай” клуби “Манчестер Сити” ярим ҳимоячиси Илкай Гюндоган билан шартнома имзоламоқчи. Бу ҳақда журналист Ягъиз Сабунчўғлу хабар бермоқда.
Манбага кўра, немис футболчиси ҳам фаолиятини турк грандида давом эттиришга қарши эмас. Шунингдек, Гюндоганга “Галатасарай”дан ташқари Саудия клубларидан биридан ҳам расмий таклиф тушган.
Эслатиб ўтамиз, Гюндоган 2016 йилдан буён “Манчестер Сити” сафида тўп сурмоқда. Бироқ 2023/2014 йилги мавсумни ижара асосида “Барселона”да ўтказди.
Ўтган мавсум германиялик футболчи жами 50 та ўйинда майдонга тушиб, 3 та гол урди ва 7 та голли узатмани амалга оширди. Унинг Transfermarkt’даги нархи 5 миллион евроға баҳоланмоқда.
