Ихтиёр Тошпо‘латов: «Гуруҳдан чиқишни мақсад қилгандик. Бунга якунда эришдик»

«Гулистон» жамоасининг етакчи ўйинчи футболчиларидан бири Ихтиёр Тошпо‘латов «Бухоро»га қарши беллашувдан сўнг ўз фикрларини билдирди.

«Бу ғалаба билан бутун сирдарёлик футбол ишқибозларини табриклайман. Ўйиндан олдин ўз олдимизга юқори мақсадларни қўйгандик. Гуруҳдан кейинги босқичга чиқишни асосий вазифа қилгандик. Мана кўриб турибсизларки, ўша қўйилган мақсад ва вазифаларга эришдик.

Бутун жамоа бўлиб ҳаракат қилдик. Бу ерда футболчи, мураббийлар ва жамоамиз тизимизнида ишлаётган инсонларнинг ҳиссаси бор. Бир жамоа бўлиб ҳаракат қиляпмиз. Бу эса муваффақиятимизга бош омил бўлди», — деди Тошпо‘латов ўйиндан сўнг ОАВ ходимлари билан суҳбатда.

Иброҳим Жалолов

Редактор