Хави Симонс фаолиятини “Барселона”да давом эттиришни истамоқда, бироқ...
ФОТО: Getty Images
“РБ Лейпциг”нинг ҳужумкор ярим ҳимоячиси Хави Симонс ёзги трансферлар вақтида жамоасини ўзгартириш ҳақида ўйламоқда. Бу ҳақда Фабрицио Романо хабар берди.
Манбага кўра, голландиялик футболчи узоқ вақтдан бери “Барселона”га ўтишни орзу қилади. Бироқ Симонснинг Каталония клубига трансфери ёзда амалга ошиши даргумонлиги айтилаяпти.
Қайд этилишича, 21 ёшли футболчига Англия Премьер-лигасининг бир қатор клублари қизиқиш билдирмоқда. “Лейпциг” Симонснинг потенциал трансферидан 74 миллион евро ишлаб олмоқчи.
Маълумот учун, Хави Симонс жорий мавсум барча турнирларда 29 та ўйинда майдонга тушиб, 10 та гол урди ва 6 та голли узатмани амалга оширди. Унинг Transfermarkt'даги нархи 70 миллион еврога баҳоланмоқда.
Насрулло Каримов
Журналист
