Хави фаолиятини қайси лигада давом эттиришни хоҳлашини айтди
Футбол
Насрулло Каримов
Журналист
ФОТО: Getty Images
Каталониянинг “Барселона” клуби собиқ бош мураббийи Хави Эрнандес фаолиятини қайси чемпионатда давом эттиришни хоҳлашини айтди.
“Мен шошмайман, лекин жиддий лойиҳалар бўлса, қабул қиламан. Менга тақдим этиладиган лойиҳа шундай бўлишини хоҳлардим: “Сизда жамоани ривожлантириш учун тўрт йил бор”.
Мен Англия Премьер-лигасида ишлашни истардим. Чунки бу лига иштиёққа тўла. Испанияда эса ҳамма нарса натижага қаратилади”, — дея Хавининг сўзларини келтиради The Athletic нашри.
Эслатиб ўтамиз, Хавининг мураббийлик фаолиятидаги сўнгги клуби “Барселона” ҳисобланади. Шунингдек, испаниялик мутахассис Қатарнинг “Ал-Садд” клубида ҳам ишлаган.
