Ганс-Дитер Флик “Барселона”да кимнинг ўйинидан ҳайратда қолганини айтди

Каталониянинг “Барселона” клуби бош мураббийи Ганс-Дитер Флик жамоа ҳимоячиси Эрик Гарсиянинг ўйинини юқори баҳолади.

“Мен Эрик Гарсиянинг ўйинидан ҳайратдаман. У ўзини ўнг қанот ҳимоячиси сифатида кўрсата олди. У жамоа учун майдонда ҳам, кийиниш хонасида ҳам жуда муҳим футболчи”, - дейди Флик.

Маълумот учун, Гарсия жорий мавсум барча турнирларда 37 та ўйинда майдонга тушиб, 3 та гол урди ва 2 та голли узатмани амалга оширди. Унинг Трансфермарктдаги нархи 15 миллион еврога баҳоланмоқда.

Насрулло Каримов

Журналист